საწრეო მუშაობა

                                                         წრის სამუშაო გეგმა

                                          მათემატიკის წრე  მე-2       კლასში    (I სემესტრი)

(პედაგოგი - სალომე ქველაძე)

2017-2018 სასწავლო წლის პირველ სემესტრში შეიქმნა მათემატიკის წრე.  წრეში გაერთიანებულია              მე-2   -ე   კლასის  5 მოსწავლე:

1     გიორგი ხუდოიანი

2     ბარბარე სარიბეგოვი

3     ანა საგინაშვილი

4    გია ესიავა

5    სანდრო ფიოდოროვი

   წრე ტარდება კვირაში ერთხელ, ოთხშაბათს, მეხუთე გაკვეთილზე. 

   საწრეო მუშაობა  მიზნად ისახავს მოსწავლეთა ცოდნის გაღრმავება-განმტკიცებას მათემატიკაში, ეროვნული სასწავლო გეგმის მოთხოვნების მიხედვით; მოსწავლეებში მათემატიკისადმი ინტერესის და სიყვარულის გამომუშავება; მათემატიკური აზროვნების დახვეწა; საგნისადმი მეტი ცოდნის დაგროვება, რაც მომავალში მათემატიკური საკითხების სწორად და გააზრებულად ამოხსნის საწინდარი გახდება, ასევე დაეხმარება მათ საკუთარი შესაძლებლობების შეფასებასა და მის ამაღლებაში, რაც ზრდის პასუხისმგებლობის გრძნობას, განაპირობებს მოსწავლეთა მოტივაციის ზრდას და აადვილებს სწავლის სურვილს.

აქტუალობა: დღესღეისობით აუცილებლობას წარმოადგენს მათემატიკის კარგად დაუფლება, რომელსაც საფუძველი სწორედ დაწყებით საფეხურზე უნდა ჩაეყაროს, რომელსაც საფუძვლიანი მიდგომა სჭირდება მასწავლებლის მიერ. ზოგიერთი ბავშვი ამ ასაკში ამჯობინებს სხვა აქტივობებით დაკავდეს ვიდრე მათემატიკა იმეცადინოს და ან შემოიფარგლება მხოლოდ იმ დავალებებით, რომელსაც მხოლოდ სკოლის სახელმძღვანელოში არის წარმოდგენილი, საჭიროა მეტი ვარჯიში ამ მიმართულებით. სწორედ ამან განაპირობა ჩვენი წრის დაარსება.

     შესაბამისობა ეროვნული სასწავლო გეგმით  გათვალისწინებულ შედეგებთან:

მათ. II. 2. მოსწავლეს შეუძლია ერთმანეთთან დააკავშიროს თვლა, რიცხვები, რიცხვით სახელებს შორის დამოკიდებულებები და შეკრება-გამოკლების მოქმდებები.

        შედეგი თვალსაჩინოა თუ მოსწავლე:

·         ახდენს შეკრება-გამოკლების დემონსტრირებას მოდელის გამოყენებით, დაადგენს მოქმდების შედეგს.

·         ზეპირად ანგარიშისას იყენებს ბიჯით თვლას, ან სხვა ხერხს;

·         განმარტავს რიცხვების სახელდებას ქართულ ენაში;

·         ზეპირად ასრულებს ათეულის გავლით შეკრება-გამოკლებას ად ახდენს გამოყენებული ხერხის დემონსტრირებას;

მათ. II. 3. მოსწავლეს შეუძლია განახევრება-გაორმაგების მოქმდებების შესრულება და მათი დაკავშირება შეკრება-გამოკლებასთან და ერთმანეთთან.

    შედეგი თვალსაჩინოა თუ მოსწავლე:

·         ახდენს გაორმაგების მოქმედების დემონსტრირებას საგანთა მოცემული რაოდენობის ჯგუფისთვის იგივე რაოდენობის ჯგუფის დამატებით;

·         დაადგენს არის თუ არა მითითებული რაოდენობა სხვა მითითებული რაოდენობის ნახევარი/ორმაგი კონკრეტული მოდელის შემთხვევაში;

·         ირჩევს ხერხს და ანახევრებს ლუწ რიცხვებს; ახდენს გაორმაგება-განახევრების ურთიერთშებრუნებულობის დემონსტრირებას;

მათ. II. 5. მოსწავლეს შეუძლია რიცხვებისა და მათზე მოქმედებების გამოყენება გამოთვლებზე ამოცანების ამოხსნისას.

შედეგი თვალსაჩინოა თუ მოსწავლე:

·         ამოცანის პირობის მიხედით განსაზღვრავს, თუ რა არის მოცემული და რა არის საძებნი;

·         ირჩევს შესაბამის მოქმედებას, მისი შესრულების ხერხს ან მოდელს მარტივი ამოცანის ამოსახსნელად;

მათ. II. 8. მოსწავლეს შეუძლია თვისებრივი და რაოდენობრივი ნიშნების გამოყენება ფიგურების აღსაწერად.

შედეგი თვალსაჩინოა თ მოსწავლე:

·         ადარებს და აჯგუფებს ბრტყელ ფიგურებს გეომეტრიული ატრიბუტების მიხედვით;

·         განასხვავებს ფიგურის შიგა და გარე არეებს; უთითებს ფიგურის შიგნით, გარეთ და საზღვარზე მდებარე წერტილებს;

·         უთითებს საერთო საზღვრის მქონე ფიგურების საერთო გვერდებსა და წვეროებს;

    წრეზე განსახილველი საკითხები წინასწარ არის გაწერილი, რომელიც ემსახურება მოსწავლის როგორც სააზროვნო, ასევე მათემატიკური უნარების განვითარებას. მოსწავლეები წრეში მუშაობის შედეგად გამოავლენენ და განიმტკიცებენ ცოდნას მათემატიკის შესახებ. გაიზრდება მოსწავლეთა დაინტერესება მათემატიკისადმი.  დაგეგმილი მეცადინეობები ხელს შეუწყობს მოსწავლეთა თვითანალიზის, დაკვირვებისა და კვლევა-ძიების უნარის განვითარებას  ცალკეული საკითხების დასამუშავებლად, რაც თავისთავად აისახება მათ პიროვნულ განვითარებაზე.  ასევე წრეში მონაწილეობა ხელს შეუწყობს სხარტი აზროვნების ჩამოყალიბებას, თანამშრომლობის უნარის განვითარებას, პასუხისმგებლობის გაზრდას.

  რესურსები:   მათემატიკის სახელმძღვანელო  II კლასი ( თ. ვეფხვაძე, გ. გოგიშვილი....)  დამატებითი სავარჯიშოები მათემატიკაში ( ი. რუხაძე, ნ.ბაციკაძე)  კალამი, დაფა, ცარცი, მარკერი, მაგნიტური გეომეტრიული ფიგურები,  დამატებითი სავარჯიშოებისათვის მათემატიკის სახელმძღვანელო  თვალსაჩინოება, გამოყენებული რესურსები ემსახურებიან წრის მუშაობას მიზნის მიღწევაში.

                                          წრის სამუშაო პროგრამა

                                         2017-2018 სასწავლო წელი

   I სემესტრი

თვე და რიცხვი	სამუშაო პროგრამა
27.09.2017	1.საორგანიზაციო საკითხები. საწრეო მუსაობის შინაარსისა და მიზნის გაცნობა
4.10.2017	2. შეკრება და გამოკლება ( 20-მდე რიცხვები )
11.10.2017	3. გეომეტრიული ფიგურები
18.10.2017	4. გეომეტრიულ ფიგურებზე მუშაობა
25.10.2017	5. ამოცანის შემადგენელი ნაწილების დასახელება
1.11.2017	6. ამოცანების ამოხსნა
8.11.2017	7. რიცხვები 0-დან 100-ის ჩათვლით
15.11.2017	8. არითმეტიკული მოქმედებები რციხვებზე (შეკრება)
22.11.2017	9. არითმეტიკული მოქმედებები რიცხვებზე ( გამოკლება)
29.11.2017	10. რიცხვების გაორმაგება
6.12.2017	11. რიცხვების განახევრება
13.12.2017	12. განტოლება. უცნობი შესაკრების პოვნა
20.12.2017	13. შეჯამება

                               მშობლების გამოკითხვის ანკეტა

                                          ( საწრეო  მუშაობის დაწყებამდე)

სახელი და გვარი:

მოსწავლის სახელი და გვარი:

1.       თანახმა ხართ, რომ თქვენი შვილი ჩაერთოს საწრეო მუშაობაში?

ა)  დიახ                   ბ) არა

2.       ხართ თუ არა ინფორმირებული საწრეო მუშაობის განრიგისა და გეგმის შესახებ?

ა)  არა     ბ)დიახ

3.       როგორ ფიქრობთ, აღნიშნული საწრეო მუშაობა შეუწყობს თუ არა  ხელს თქვენი შვილის ცოდნის გაღრმავებას?

ა) დიახ      ბ) ნაწილობრივ         გ) არა

4.       როგორ ფიქრობთ, რამდენად არის მორგებული წრის მუშაობის გეგმა თქვენი შვილის ინტერესებზე?

ა) ნაწილობრივ შეესაბამება    ბ) არ შეესაბამება      გ) სრულად შეესაბამება

5.       ელოდებით თუ არა შედეგს საწრეო მუშაობის დასრულების შემდეგ?

ა)  ველოდები                ბ) ნაწილობრივ         გ) არ ველოდები

მშობლის სახელი გვარი	შედეგი
ირინა ალოიანი	ა	ბ	ა	გ	ა
ირმა გალუსტოვი	ა	ბ	ა	გ	ა
ევა სარიბეგოვი	ა	ბ	ა	გ	ა
ლეილა ვიბლიანი	ა	ბ	ა	გ	ა
ლალი უგრეხელიძე	ა	ბ	ა	გ	ა

                       წრის მუშაობა

                                  I  სემესტრი

 

    2017 წლის 27 სექტემბერს პირველად შეიკრიბნენ მათემატიკის წრის წევრები, მათ გავაცანი საწრეო მუშაობის მიზნები და ამოცანები. აგრეთვე ის რომ საწრეო მუსაობა ჩატარდება ყოველ ოთხშაბათს, მეექვსე გაკვეთილზე. შემდგომ მოსწავლეებს გავაცანი სამუშაო პროგრამა და კონკრეტულად ის საკითხები, რომლებზეც ვიმუშავებთ პირველი სემესტრის განმავლობაში. ბავშვები დიდი ინტერესითა და მოხალისეობრივი ენთუზიაზმით შეუდგნენ საწრეო მუშაობას.

    2017 წლის 4 ოქტომბერს შედგა წრის მეცადინეობის რიგით მეორე შეკრება. წრის მუშაობის თემა იყო: შეკრება-გამოკლება 20-ის ფარგლებში. წრის მუშაობის მიზანი იყო მოსწავლეთათვის 20-მდე რიცხვების შეხსენება, მათი ამოცნობა, რიცხვებში ათეულებისა და ერთეულების გამოყოფა, ათეულზე ერთეულის მიმატება და გამოკლება. ასევე პოზიტიური განწყობის შექმნა. შესწავლილი რიცხვების დაკავშირება მათემატიკური ნიშნების საშუალებით, ნიშნების დახასიათება.

  მოსწავლეებმა შეძლეს 20-მდე რიცხვების დასახელება, რიცხვებში ათეულების გამოყოფა, ათეულზე ერთეულის მიმატება და გამოკლება. მეცადინეობა ჩავატარე წინარე ცოდნის გააქტიურებით, გავიხსენეთ ოცამდე რიცხვების წინა და მომდევნო რიცხვები, დავითვალეთ რიცხვები 1-ის ბიჯით. ვიმუშავეთ შეკრებისა და გამოკლების გზებზე. განვიხილეთ და ამოვხსენით მაგალითები, სადაც ათეულს ერთეული სხვადასხვა მეთოდით გამოვაკელით და მივუმატეთ. მუშაობის პროცესში გამოვიყენეთ პროექტორი, შევასრულეთ პროექტორით გაშუქებული დავალებები.

    

  2017 წლის 11 ოქტომბერს შედგა მესამე მეცადინეობა. წრის მუშაობის თემა იყო: გეომეტრიული ფიგურები. წრის მუშაობის მიზანი: გეომეტრიული ფიგურების ამოცნობა და აღწერა, მათი დაჯგუფება. მოსწავლეებმა დააჯგუფეს ბრტყელი გეომეტრიული ფიგურები მახასიათებლების მიხედვით, წვეროების რაოდენობის მიხედვით, გვერდების რაოდენობის მიხედვით. დაასახელეს ფიგურის შიგა და გარე არეები მათში მოთავსებული წერტილები. ააგეს საერთო საზღვრის მქონე ფიგურები, დაასახელეს საერთო გვერდი. ამოიცნებს გეომეტრიული ფიგურები მათ ირგვლივ.

        2017 წლის 18 ოქტომბერს შედგა წრის მეცადინეობის მეოთხე მეცადინეობა. მუშაობის თემა იყო: გეომეტრიულ ფიგურებზე მუშაობა. მიზანი:  გეომეტრიული ფიგურების ამოცნობა მათი მახასიათებლებისა და მდებარეობის დასახელება, ფიგურათა ზომების შედარება და დადგენა.   მოსწავლეებმა ამოიცნეს ბრტყელი გეომეტრიული ფიგურები ირგვლივ, აღწერეს მათი მდებარეობა მეორე ობიექტის მიმართს ტერმინების  ( მარჯვნივ, მარცხნივ, ზემოთ, ქვემოთ) გამოყენებით, მოახდინეს ფიგურების დახატვა გარკვეული ზომების გამოყენებით, მოიძიეს ტოლი ფიგურები გარემოში, მოხდინეს მათი დემონსტრირება, მოახდინეს ფიგურათა ზომების შედარება. მუშაობის პროცესში გამოვიყენეთ პროექტორი, შევასრულეთ პროექტორით გაშუქებული დავალებები.

     2017 წლია 25 ოქტომბერს შედგა მათემატიკური წრის მეცადინეობის მეხუთე გაკვეთილი. თემა იყო: ამოცანის შემადგენელი ნაწილების დასახელება. პირობის გამოყოფა და კითხვის დასმა. წრის მუშაობის მიზანი იყო მოსწავლეებისთვის ამოცანის შემადგენელი ნაწილების შეხსენება, ამოცანის პირობისა და კითხვის გამოყოფა,მოსწავლეებს შეძლებოდათ მარტივი ამოცანების ამოხსნა.  ვიმუშავეთ ამოცანებში ძირითადი საკითხებისა და ქვესაკითხების გამოკვეთა-გამოყოფაზე, ასევე ამოცანიდან კითხვის ამოღებაზე. ყურადღების კონცენტრაციაზე და ამოცანის მიმართ ინტერესის გაღვივებაზე. დავასახელეთ ამოცანის შემადგენელი ნაწილები. მოსწავლეებმა გაიაზრეს და ამოხსნეს მარტივი ამოცანები.

   2017 წლის 1 ნოემბერს გაიმართა წრის მეცადინეობის მეექვსე გაკვეთილი. გაკვეთილის თემა იყო:   ამოცანების ამოხსნა. გაკვეთილის მიზანი: მოსწავლეებს შეძლებოდა ამოცანების გააზრება და ამოხსნა. -ით მეტი და -ით ნაკლების ტერმინების გააზრდება და გამოყენება პრაქტიკული ამოცანების ამოხსნისას.  ვიმუშავეთ ამოცანაში ძირითადი საკითხებისა და ქვესაკითხების გამოყოფაზე. ყურადღება გავამახვილე -ით მეტი და -ით ნაკლები ტერმინების მნიშვნელობაზე ამოცანებში. დაუკავშირეს ტერმინები მეტი და ნაკლები მათემატიკურ მოქმედებებს. მოსწავლეებმა შეძლეს მარტივი ერთმოქმდებიანი ამოცანების ამოხსნა დასახელებული ტერმინების გამოყენებით, რამაც ხელი შეუწყო მოსწავლეთა ისეთი უნარების განვითარებას, როგორებიცაა ყურადღების მობილიზება და მეხსიერება.

    2017 წლის 8 ნოემბერს გაიმართა მათემატიკის წრის რიგით მეშვიდე მეცადინეობა. გაკვეთილის თემა: რიცხვები 0-დან 100-ის ჩათვლით. წრის მუშაობის მიზანი იყო: 0-დან 100-ის ჩათვლით რიცხვების გაცნობა, წაკითხვა, ერთნიშნა და ორნიშნა რიცხვების დასახელება. თანრიგების გამოყოფა. მეცადინეობა დავიწყე რიცხვთა ცხრილის შედგენით.  წარმოვადგინეთ მრგვალი რიცხვები, სვეტებსა და სტრიქონებში, ცხრილში აღვადგინეთ სათანადო რიცხვები. გამოვიყენე რიცხვითი კიბეც. მოსწავლეებმა დაასახელეს მოცემული რიცხვების წინა და მომდევნო რიცხვები; დაითვალეს რიცხვები ბიჯით წინ და უკან და გამოსახეს მოცემული რიცხვები გროვებით სხვადასხვა მოდელების გამოყენებით. დაითვალეს საგანთა ერთობლიობაში მოცემული საგნების რაოდენობა და მოახდინეს მათი შედარება. მოსწავლეებმა დაასახელეს მოცემულ ორნიშნა რიცხვებში თანრიგები ათეულები და ერთეულები. გამოყვეს ფიგურების მოწესრიგებულ ერთობლიობაში მითითებული ფიგურის ნომერი, დაასახელეს მის წინ და უკან მდგარი ფიგურები. მუშაობის პროცესში გამოვიყენეთ პროექტორი, შევასრულეთ პროექტორით გაშუქებული დავალებები.

    2017 წლის 15 ნოემბერს შედგა მერვე მეცადინეობა.  გაკვეთილის თემა: არითმეტიკული მოქმედებები რიცხვებზე ( შეკრება).  გაკვეთილის მიზანი იყო მოსწავლეებისთვის 100-ის ფარგლებში რიცხვების შეხსენება და ათეულის გავლით შეკრება. მოსწავლეებმა შეძლეს 100-ის ფარგლებში რიცხვების დასახელება, ათეულისა და ერთეულის გამოყოფა. წინა და მომდევნო რიცხვების დასახელება და ათეულზე გავლით რიცხვების შეკრება. ასევე გამოიყენეს შეკრების სხვადასხვა მეთოდები.  დაასახელეს შეკრების კომპონენტები.   მოახდინეს შეკრების დემონსტრირება მოდელების გამოყენებით, დაადგინეს მოქმედების შედეგი, რამდენით გაიზარდა მოცემული რიცხვი. მოახდინეს რიცხვების შეკრება რიცხვითი კიბისა და საგანთა გროვების გამოყენებით. ასევე გამოვიყენეთ 1-ის ბიჯით თვლა რიცხვების შეკრებისას. მოვახდინეთ შეკრების კომპონენტების დამრგვალება და ზეპირი შეკრება. იმსჯელეს რატომ არის მიახლოებითი პასუხი ზუსტზე მეტი ან ნაკლები.

   2017 წლის 22 ნოემბერს გაიმართა რიგით მეცხრე მეცადინეობა მათემატიკის წრისა. გაკვეთილის თემა იყო: არითმეტიკული მოქმედებები რიცხვებზე (გამოკლება). გაკვეთილის მიზანი იყო: 100-ის ფარგლებში რიცხვების გამოკლება ათეულზე გავლით. მოსწავლეებმა შეძლეს 100-ის ფარგლებში რიცხვების დასახელება, ათეულისა და ერთეულის გამოყოფა. წინა და მომდევნო რიცხვების დასახელება და ათეულზე გავლით რიცხვების გამოკლება. ასევე გამოიყენეს გამოკლების სხვადასხვა მეთოდები.  დაასახელეს გამოკლების კომპონენტები.   მოახდინეს გამოკლების დემონსტრირება მოდელების გამოყენებით, დაადგინეს მოქმედების შედეგი, რამდენით შემცირდა მოცემული რიცხვი. მოახდინეს რიცხვების გამოკლება რიცხვითი კიბისა და საგანთა გროვების გამოყენებით. ასევე გამოვიყენეთ 1-ის ბიჯით თვლა რიცხვების გამოკლებისას. მოვახდინეთ გამოკლების კომპონენტების დამრგვალება და ზეპირი გამოკლება. იმსჯელეს რატომ არის მიახლოებითი პასუხი ზუსტზე მეტი ან ნაკლები. შეძლეს გამოკლების მაგალითის  შემოწმება შეკრებით. მუშაობის პროცესში გამოვიყენეთ პროექტორი, შევასრულეთ პროექტორით გაშუქებული დავალებები.

  2017 წლის 29 ნოემბერს შედგა მათემატიკის წრის მეათე მეცადინეობა. გაკვეთილის თემა: რიცხვების გაორმაგება. გაკვეთილის მიზანი იყო: მოსწავლეებს შეძლებოდათ რიცხვების გაორმაგება სხვადასხვა მოდელების გამოყენებით. მოსწავლეებმა შეასრულეს პრაქტიკული სავარჯიშოების გაორმაგებაზე სხვადასხვა მოდელების გამოყენებით:  სათვლელი ჩხირები, ილუსტრაციები, ბარათები. ჩაწერეს მაგალითები. მოსწავლეება გაიხსენეს შეკრების თვისებები და ამის გამოყენებით მოახდინეს გაორმაგების მაგალითის ჩაწერა და გააორმაგეს მოცემული რიცხვი. მოახდინეს გაორმაგების მოქმედების დემონსტრირება საგანთა მოცემული რაოდენობის ჯგუფისთვის იგივე რაოდენობის ჯგუფის დამატებით. გააორმაგეს რიცხვები 10-ის ფარგლებში, ასევე სრული 10-ეულები და 20-ეულები. დააკავშირეს ეს მოქმდება შესაბამის ბიჯით თვლასთან. დაადგინეს არის თუ არა მოცემული რიცხვი სხვა რიცხვის ორმაგი.

     2017 წლის 6 დეკემბერს შედგა მეთერთმეტე მეცადინეობა. მეცადინეობის თემა იყო: რიცხვების განახევრება. მიზანი: მოსწავლეებს შეძლებოდათ რიცხვების განახევრება სხვადასხვა მოდელების გამოყენებით. მოსწავლეებმა შეასრულეს პრაქტიკული სავარჯიშოები განახევრებაზე სხვადასხვა მოდელების გამოყენებით:  სათვლელი ჩხირები, ილუსტრაციები, ბარათები.  ჩაწერეს მაგალითები. მოსწავლეება გაიხსენეს გამოკლების  თვისებები და ამის გამოყენებით მოახდინეს განახევრების მაგალითის ჩაწერა და გაანახევრეს მოცემული რიცხვი. მოახდინეს განახევრების მოქმედების დემონსტრირება საგანთა მოცემული რაოდენობის ორ ტოლ გროვად განაწილებით. გაანახევრეს ლუწი რიცხვები 10-ის ფარგლებში, ასევე სრული 10-ეულები და 20-ეულები. დაადგინეს არის თუ არა მითითებული რაოდენობა სხვა მითითებული რაოდენობის ნახევარი, გამოიყენეს საგანთა დაწყვილების მეთოდი. გამოიყენეს უკუთვლა და გაანახევრეს ლუწი რიცხვები. მოახდინეს განახევრების ურთიერთშებრუნებულობის დემონსტრირება.

    2017 წლის 13 დეკემბერს შედგა რიგით მეთორმეტე მეცადინეობა. გაკვეთილის თემა იყო: განტოლება, უცნობი შესაკრების პოვნა. გაკვეთილის მიზანი: მოსწავლეებმა შეძლონ განტოლების მნიშვნელობის გაგება შეკრების უცნობი წევრის გააზრება და პოვნა.წრის წევრებთან ერთად განვიხილე და გავაანალიზე განტოლებათა ერთ-ერთი ტიპი: უცნობი შესაკრების პოვნა.  წრის წევრებისთვის საკმაოდ საინტერესო აღმოჩნდა შეკრების მაგალითის უცნობი წევრის პოვნა. მათ გაიაზრეს განტოლების მნიშვნელობა და უცნობი წევრი. დაასახელეს შეკრების კომპონენტები და მივიდნენ დასკვნამდე, რომ შეკრების უცნობი წევრის პოვნა შეიძლება გამოკლებით ( ჯამს გამოკლებული ცნობილი შესაკრები) შეამოწმეს იყო თუ არა დასახელებული რიცხვი მოცემული ტოლობის უცნობი კომპონენტის მნიშვნელობა.  გავარჩიეთ მზგავსი სავაჯიშოები მოდელების გამოყენებით. უცნობი რაოდენობა მოდელებისა დაფარული იყო, მათი პოვნის შემდეგ მოვახდინეთ შემოწმება. მუშაობის პროცესში გამოვიყენეთ პროექტორი, შევასრულეთ პროექტორით გაშუქებული დავალებები.

   2017 წლის 20 დეკემბერს შედგა მათემატიკის წრის რიგით მეცამეტე, ბოლო, შემაჯამებელი მუშაობა. მოსწავლეებმა გააანალიზეს განხილული საკითხები. კიდევ ერთხელ შეაჯამეს ნასწავლი თემები და გამოთქვეს სურვილი იმისა, რომ დიდი სიამოვნებით გააგრძელებდნენ მეცადინეობას კიდევ. მეცადინეობაზე გაიმართა დისკუსია, თუ რა მოგვცა ამ სასწავლო წლის პირველ სემესტრში ერთად მუშაობამ. აღინიშნა, რომ საკმაოდ საინტერესო და შედეგიანი იყო შეხვედრები, გავიგეთ ბევრი რამ ახალი, განვამტკიცეთ ნაცნობი საკითხები. მოეწყო მშობლებისა და მოსწავლეების გამოკითხვა (თან ერთვის გამოკითხვის შედეგები).

          მუშაობის პროცესში გამოყენებული დანართები:

 

მოსწავლეთა დასწრების აღრიცხვა:

               

მშობლების მიერ საწრეო მუშაობის შეფასება: